O‘zbek tiliga davlat tili maqomi berilganiga 32 yil to‘lishi va mazkur sana “O‘zbek tili bayrami” sifatida nishonlanishi munosabati bilan respublika miqyosida qator madaniy-ma’rifiy tadbirlar tashkil etilmoqda.
Bugun Sirdaryo viloyati markazi – Guliston shahridagi “Bilimdonlar maskani”da bir guruh ziyolilar, tilshunos va adabiyotshunoslar, umuman, keng jamoatchilik ishtirokida “Qadring baland bo‘lsin, ona tilim!” shiori ostida bayram tadbiri bo‘lib o‘tdi. Tadbirda Toshkent kimyo-texnologiya instituti Yangiyer filiali rahbar-xodimlari va talabalari ishtirok etishdi.
Viloyat hokimligi, korxona va tashkilot mutasaddilari, keng jamoatchilik vakillari ishtirokida maskan markazidagi o‘zbek adabiy tilining asoschisi, buyuk mutafakkir Alisher Navoiy haykali poyiga gulchambarlar qo‘yish bilan boshlangan shodiyonada viloyat hokimining o‘rinbosari Otabek Nosirov barchani o‘zbek tili bayrami bilan qutladi va muhtaram Prezidentimizning o‘zbek xalqiga yo‘llagan tabrigini o‘qib, eshittirdi. Shuningdek, so‘zga chiqqanlar milliy qadriyatlarimiz gultoji bo‘lgan ona tilimizning tariximiz va taqdirimiz, bugungi hayotimizdagi o‘rni va ahamiyatini, uni yanada rivojlantirish bo‘yicha dolzarb vazifalar haqida to‘g‘talib o‘tishdi.
Shundan so‘ng ishtirokchilar viloyat musiqali drama teatrida qutlug‘ bayramga bag‘ishlangan badiiy qismini tomosha qilishdi. Unda xushovoz xonandalar, iste’dodli yoshlarning Ona tilimizni madh etuvchi kuy-qo‘shiqlari tinglandi.
Bayram tadbirlari viloyatning barcha hududlarida yuqori saviyada davom etmoqda.